Rrëzohet nga biçikleta, plagoset rëndë i moshuari. Ngjarja ka ndodhur në Pogradec pasditen e së enjtes. Policia bëri të ditur se shtetasi A.H, 69 vjeç, i cili vuan nga sëmundja e epilepsisë, është rrëzuar nga biçikleta dhe për pasojë është dëmtuar rëndë.
Pogradec/Informacion paraprak
Më datë 28.04.2022, rreth orës 19:15, jemi njoftuar se në Urgjencën e Spitalit Pogradec, ka shkuar në gjendje të rëndë shëndetësore shtetasi A. H., rreth 69 vjeç, banues në fshatin Leshnicë, Pogradec, i cili nga verifikimet e kryera dhe deklarimet e marra djalit të tij, rezulton se ishte rrëzuar nga biçikleta si pasojë e humbjes së kontrollit, pasi vuan nga sëmundja e epilepsisë.
Grupi hetimor po punon për sqarimin e rrethanave të ngjarjes.
