Një aksident i rëndë ka ndodhur mbrëmjen e sotme në Tiranë, në afërsi të ish-stacionit të Trenit.
Nga raportimet e para mësohet se një makinë ka përplasur një motomjet, dhe si pasojë e aksidentit ka ndërruar jetë drejtuesi i motorit.
Raportohet se viktimë e aksidentit ka mbetur shtetasi L.K73 vjeç, i cili u përplas nga një automjet tip Audi.
Mësohet se drektuesi i automjetit është larguar nga vendngjarja.
Informacion paraprak
Më datë 28.04.2022, rreth orës 20:10, te Stacioni i Trenit, një mjet tip “Audi” me drejtues ende të paidentifikuar, ka përplasur motomjetin me drejtues shtetasin L. K., 73 vjeç, i cili si pasojë e aksidentit është dëmtuar dhe ka ndërruar jetë në spital.
Drejtuesi i mjetit është larguar nga vendi i ngjarjes.
Grupi hetimor po punon për identifikimin e drejtuesit të mjetit dhe sqarimin e rrethanave të ngjarjes.
