Punonjësit e Ujësjellës-Kanalizimeve të Tiranës do të lëvizin me biçikleta elektrike. Rreth 80 mijë euro do të harxhojë ky institucion për blerjen e këtij mjeti të ri.
Motivi që ka çuar drejtuesit drejt këtij vendimi është shtrirja e gjerë e UKT-së në terren.
Për këtë arsye është parë e nevojshme që punonjësit të kryejnë lëvizjet e tyre me biçikleta elektrike për të mbuluar në mënyrë më efikase të gjitha zonat e kryeqytetit.
Nga një kërkim në internet mbi çmimin e këtyre biçikletave ato variojnë nga 500 deri në 1 mijë dollarë.
Duke qenë se UKT kërkon që këto biçikleta të plotësojnë disa kushte, pasi do të mbajnë edhe mjetet e punës së punonjësve, çmimi llogaritet të jetë rreth 1 mijë dollarë.
Vendimi për pasuruar flotën e lëvizjes së UKT vjen në një kohë krize ku çmimet e karburanteve janë në nivelin më të lartë. /Euronews/
