Tani që Milani dhe Interi kanë një numër të njëjtë ndeshjesh të luajtura dhe nuk ka më takime për t’u rikuperuar, do të jetë shumë e rëndësishme të shihet se si do të shkojnë skuadrat javë pas jave në raport me njëra-tjetrën në katër ndeshjet e mbetura.
Milani është në avantazh ndaj Interit me 2 pikë në renditje, por kalendari i kuqezinjve nuk është edhe aq i thjeshtë, pasi do të ketë përballë skuadra të cilat luftojnë për zonën e Europës në këtë pikë të sezonit.
Ndërkohë, më i thjeshtë duket ai i Interit, i cili në javët e fundit nuk ka përballë asnjë prej skuadrave të 10-shes së parë të renditjes së Serisë A,.
Në vijim, kalendari i dy skuadrave në javët e mbetura të Serisë A:
MILAN (74 pikë)
Java 35 – Milan-Fiorentina
Java 36 – Hellas Verona-Milan
Java 37 – Milan-Atalanta
Java 38 – Sasuolo-Milan
INTER (72 pikë)
Java 35 – Udineze-Inter
Java 36 – Inter-Empoli
Java 37 – Kaljari-Inter
java 38 – Inter-Sampdoria
