Elisabeta Imeraj e cilësoi në kundërshtim me ligjin vendimin e KPA-së që këtë të Mërkurë njoftoi vendimin e shkarkimit të sakj nga detyra.
Imaraj ngriti dyshime se ka pasur presioneve politike dhe të vëzhguesve ndërkombëtarë në procesin ndaj saj.
“Procesi i vetingut, u shpreh ajo, të mos shndërrohet në gjueti shtrigash”.
“Pa marrë parasysh asnjë lloj pretendimi të paraqitur nga ana ime, ajo që pretendohet nga reforma në drejtësi është që zëri i secilës palë të jetë i dëgjueshëm. Nuk e lidh këtë me situatën personale me shkarkimin tim. Në mënyrë të përsëritur kam kërkuar të di se kush e dëshironte shkarkimin tim. Shpresoj që ta kenë të arsyetuar se kush kërkon shkarkimin tim nga Drejtësia. Së pari, jeni udhëzuar që të merrni çdo fletë të dosjes hetimore nga të cilat vërtetohet në mënyrë të plotë se Elisabeta Imeraj ka zero pasuri brenda dhe jashtë territorit të republikës së Shqipërisë. Gjithashtu jeni të ftuar të shqyrtoni çdo akt në dosje që lidhen me pastërtinë e figurës time. Puna ime ndër vite besoj se e ka treguar më së qarti sesi është punuar duke u bazuar edhe në rezultatet që janë arritur”, tha Imeraj në një prononcim për gazetarët pas vendimit.
“Në raport me atë që KPA vendosi është disproporcional. Ajo çfarë reforma në Drejtësi synon është krijimi i një sistemi të pavarur pavarësisht sesa është ndikimi i presioneve politike apo të vëzhguesve ndërkombëtarë të cilët mund të mos ndjerë rehat gjatë këtyre seancave. Kam paraqitur prova që dëshmojnë se ky proces ka qenë i ndikuar që në fillim të tij. Për shkak të marrjes në shqyrtim të denoncimeve anonime të bëra”, tha ajo më tej.
Ndërkohë, avokati i Imerajt paralajmëroi ankim të vendimit në Gjykatën e Strasburgut.
“Sot është një ditë e trishtuar për Shqipërinë. Kemi provuar se sistemi i drejtësisë në Shqipëri po shkon keq dhe po del jashtë kontrollit. Nuk kam parë kurrë një proces të tillë me prova fallco ndaj klientes time. Mendoj se sot po humbisni një prokurore shumë të aftë sepse sistemi është jashtë kontrollit. Sigurisht që do të merremi me këtë, nëse jo sot, mbase nesër”, tha avokati nga Strasburgu i Imerajt.
