Komiteti Teknik i Ekspertëve njoftoi këtë të Martë lehtësim të mëtejshëm të masave të marra më herët me qëllim parandalimin e përhapjes së koronavirusit.
Mira Rakacolli, pjesë e komitetit dhe zëvendësministre e Shëndetësisë, bëri me dje se Komiteti Teknik i Ekspertëve vendosi katër rekomandime:
- Vaksinimi me dozë të katërt të qytetarëve mbi 60 vjeç dhe atyre me sistem imunitar të kompromentuar sipas rekomandimit të mjekut të familjes.
- Heqjen e detyrimit për mbajtjen e maskave, por rekomandon fuqishëm mbajtjen e tyre në ambiente të mbyllura.
- Lejimin e muzikës pas orës 23 dhe rihapjen e klubeve të natës.
- Heqjen e detyrimit për të paraqitur dokument vaksinimi për Sars-Cov 2, dokument të testimit negativ për infeksion të Sars-Cov 2 apo certifikatë shërimi nga ky infeksion për të gjithë shtetasit që hyjnë në Shqipëri nga çdo pikë kufitare duke filluar nga data 1 Maj e këtij viti.
Rakacolli shtoi se në bazë të zhvillimeve, masat do të rishikohen.
