Analisti Nezir Kraki deklaroi në emisionin ‘Task Force’ se vetëm një injorant mund të quajë Sali Berishën dhe njerëzit rreth tij antiamerikanë.
“Ata përballë tij janë duke u mobilizuar për fuqizimin e Serbisë, si mund të quhet Berisha antiamerikan kur ata përballë bëjnë sjellje në kundërshtim me vijën strategjike amerikane.”-tha Kraki.
Nezir Kraki theksoi më tej se dënon sjelljen e ambasadores Yuri Kim të cilat i quajti jo diplomatike. Ai theksoi se Kim vepron kundër interesave amerikane.
“Jam i bindur se sjellja e Kim në afat të gjatë është kundër interesave amerikane. Nëse analizohet, nëse merret periudha para saj dhe periudha që do vijë pas saj, sjellja e saj e izoluar ka kuptim, por nëse e shtrijmë logjikisht del kundër interesave amerikane.
Mund të duket paradoksale, por sjellja nga kalimi i misionit diplomatik në sjellje personale që s’kanë të bëjnë me interesat amerikane e bëjnë ambasadoren Yuri Kim jo legjitime.”-tha Nezir Kraki.
