Deputeti demokrat, Belind Këlliçi komenton raportin e BB që flet për qasjen e qeverisë ndaj inceneratorëve. Sipas tij, Rama zgjodhi inceneratorët se aty qëndronte mundësia për të vjedhur. Ai bën apel që SPAK të veprojë me urgjencë.
Në një postim në FB, deputeti shkruan:
“Korporata Financiare Ndërkombëtare (IFC) pezullon projektin në Shqipëri pasi qeveria Rama zgjodhi rrugën e inceneratorëve.
Kështu shkruhet në një raport të Grupit të Bankës Botërore mbi Mbështetjen e Menaxhimit të Mbetjeve të Ngurta për Bashkitë në vitet 2010-2020.
IFC dhe qeveria Rama nuk ndanë të njëjtin mendim për menaxhimin e mbetjeve.
Projekti për Menaxhimin e Zonës Bregdetare synonte që të mbështeste turizmin në qytetin e Sarandës pjesërisht përmes përmirësimeve në menaxhimin e mbetjeve të ngurta lokale.
Projekti u pezullua për shkak të mosangazhimit të qeverisë Rama dhe se përgjegjësia e depozitimit të mbetjeve iu transferua Ministrisë së Mjedisit, e cila donte të promovonte inceneratorët si zgjidhje.
Qeveria miratoi ndërkohë tre projekte për inceneratorët përmes PPP-ve, koncesionin e trajtimit të mbetjeve Elbasan dhe inceneratorin e trajtimit të mbetjeve Fier.
Të dy nën hetim nga SPAK”.
Më tej, shton:
Rama zgjodhi inceneratorët se aty qëndonte mundësia për të vjedhur. SPAK duhet të veprojë me urgjencë!
