Tre shqiptarë të Kosovës janë arrestuar nga policia e Korçës për veprën penale “Ndihma për kalim të paligjshëm të kufijve”, kryer në bashkëpunim.
Në pranga u vunë R.F., 34 vjeç; M.J., 39 vjeç dhe L.Xh., 37 vjeç, banues në Kosovë.
“Shërbimet e Policisë i kanë kapur në flagrancë këta shtetas, në aksin rrugor Maliq-Lozhan, duke transportuar me 2 automjete tip ‘Audi’ dhe 1 automjet tip ‘Volkswagen’, 16 emigrantë të paligjshëm, të cilëve iu kishin premtuar kalimin drejt vendeve të BE-së, kundrejt shpërblimit”, njofton policia.
