Një breshëri e gjatë kallashnikovi nuk i dha asnjë shans të jetonte më bosit të jetës së natës në Greqi, Giannis Skaftouros.
Mediat greke shkruajnë se Skaftouros u vra mesditën e sotme pranë banesës së tij në Skourta në Athinë. Plagë nga ngjarja ka marrë edhe vajza e tij.
55-vjeçari ishte bashkë me të afërm të tij në pjesën e gjelbëruar të shtëpisë duke festuar pas Pashkëve ku persona ende të panjohur qëlluan me breshëri automatiku, ku të paktën një plumb kapi edhe vajzën e tij 22-vjeçare.
Ajo ndodhet në spital për mjekim, kurse i ati 55 vjeç nuk pati asnjë shans shpëtimi.
Giannis Skaftouros njihej si bosi i jetës së natës në Greqi. Në vitin 2018 ai është sulmuar me thikë nga disa shqiptarë në burgun e Koridalos, ku edhe mori plagë të rënda.
Dyshohet se ai sulm u planifikua dhe zhvillua nga pjesëtarët e “Mafias së Burgjeve” të përbërë nga shqiptarë, me qendër Korydalon sipas mediave greke.
