Chelsea fitoi 1-0 përballë West Ham, në sfidën e javës së 34-të të Premier League. Blutë e Londrës në këtë mënyrë i falen golit të shënuar nga Pulisic në minutën e 90-të të takimit.
Miqtë mbetën me 10 lojtarë në minutën e 86-të, pas daljes me të kuq të Dawson. Jorginho humbi penalltinë më pas për skuadrën vendase, teksa skuadrën e shpëtoi goli i Pulisic.
Në këtë mënyrë të besuarit e Thomas Tuchel rikthehen te fitorja në kampionat, pas asaj humbje ndaj Arsenalit, ndërsa mbajnë vendin e 3-të me 65 pikë.
Fitore “identike” në shtëpi mori edhe Burnley që mposhti Wolves. Një 3 pikësh me vlerë shumë të madhe në garën për mbijetesë. Golin e vetëm të këtij takimi e shënoi Vydra në minutën e 62-të.
Me këtë fitore Burnley zhyt në zonën e nxehtë Evertonin, teksa ka grumbulluar 31 pikë dhe mban vendin e 17-të, ndërsa Wolves mbetet në kuotën e 49 pikëve në vendin e 8-të.
Në sfidën tjetër, atë të Southampton në transfertën e Brighton, 90 minutëshi rezultoi thjesht spektakolar. Armando Broja që prej 10 ndeshjesh nuk arrin të gjejë rrugën e rrjetës, e nisi takimin nga stoli dhe hyri në fushë vetëm 10 minutat e fundit kur sfida ishte fiksuar në shifrat 2-2.
Takimi i tretë i pasdites Burnley-Wolves u mbyll në shifrat 1-0.
Klasifikimi:
