Personi që shikoni në foto është Ibrahim Duda, autor i dyshuar i plagosjes me thikë të dy vëllezërve të mitur në Sarandë.
Duda ka pasur precedentë penalë edhe më parë, duke qenë emër i njohur për policinë.
Ai madje kishte pak kohë që kishte lënë burgun, pasi kishte qenë dënuar për vjedhje.
Po ashtu, Duda njihet si person që përdorte drogëra të forta. Në të shkuarën ka qenë i dënuar për tentativë vrasje dhe për kundërshtim të efektivëve të policisë.
Aktualisht, uniformat blu janë vendosur në ndjekje të tij.
Sa i takon gjendjes shëndetësore së 2 të miturve, bëhet e ditur se 17-vjeçari K. G., është goditur me një thikë në kraharor dhe ka humbur shumë gjak. Nga ana tjetër, i vëllai 16 vjeç ka marrë dëmtime të lehta në dorë dhe gjendja e tij është e stabilizuar.
