PSG është vetëm një pikë larg titullit kampion në Francë, pas suksesit të sotëm ndaj Onxhe në transfertë. Edhe pse me mungesa, skuadra parisienë e ka pasur të thjeshtë të gjejë suksesin duke triumfuar me shifrat 3-0 e duke bërë që t’i mjaftojë një barazim në sfidën e radhës për t’u shpallur matematikisht kampione për herë të 10 në histori.
Kylian Mbape kaloi në avantazh PSG-në në mesin e pjesës së parë, ndërsa në fundin e saj ishte Serxhio Ramos i cili dyfishoi shifrat me një gjuajtje me kokë. Në pjesën e dytë, Markinjos realizoi edhe golin e tretë duke mbyllur diskutimet e kësaj sfide.
Kështu, PSG mund të shpallet kampion me një pikë ndaj Lens në ndeshjen e fundjavës, për të mbyllur diskutimet e kampionatit për skuadrën e Poçetinos.
