Kreu i Partisë Agrare Ambientaliste, Agron Duka shprehet se Rama do të zgjedh për president një njeri që ka brenda grupit të vet parlamentar.
Në një intervistë për Ora News, ai tha se do të ishte mirë që propozimi për presidentin t’i lihej mazhorancës.
“Jam dyshues në këtë lloj procesi, duket se mazhoranca dhe vet Rama do t’i japë opinionit publik një impresion sikur po i pyet në këtë lloj zgjedhje, por faktikisht besoj se do të zgjedhë një njeri që e ka brenda grupit të vet. Që në krye të herës ai filloi të marrë mendim tek mazhoranca. Nëse do kishte ide që këtë do të ia linte opozitës, atëherë s’kishte pse të merrte mendim tek mazhoranca. Duket se është hapur një lojë shumë e madhe. Do të ishte mirë që presidenti të propozohej nga opozita apo palët të shoqërisë civile. Nëse do të bëhej kështu do kishim njëfarë ekuilibri të pushteteve me këtë megapushteti që ka kjo mazhorancë”, tha Duka.
“Unë paragjykoj procesin. Duke qenë që kodi zgjedhor është i tillë që merr dhe emëron njerëz të cilët për një arsye apo për një tjetër janë influent por nuk kanë ngritje intelektuale, një propozim I një njeriu të tillë do ishte i panevojshëm. Nëse do isha unë dhe do më kërkonin një zarf, dhe do isha tek e majta, do propozoja emrat që nuk kanë lidhje direkte me Ramën dhe karriera e tyre nuk varet nga Rama. Nëse do ishte kështu do zgjatonin pushtetin e Ramës”, shtoi ai.
Duka tha se në zarfat e plotësuar dje nga deputetët socialistë, janë shënuar edhe emra të njerëzve që janë pjesë e grupit parlamentar e madje edhe të Edi Ramës.
“Sipas asaj që dëgjova në këto zarfa janë shënuar emra të njerëzve që janë të grupit parlamentar të PS dhe në shumë raste është shënuar dhe Edi Ramës”, tha ai.
