Largimi i Fallou Diagne është një mister më vete në kampin e Vllaznisë. Që pas stërvitjes para ndeshjes me Partizanin në Kupë, ku mësoi se nuk do të ishte titullar, senegalezi ka braktisur skuadrën.
Në fakt, në klubin shkodran kanë qenë të rezervuar për të dhënë sqarime për situatën e lojtarit, por nga sa mësohet, menaxheri i tij dhe drejtuesit kanë nisur negociatat për prishjen e kontratës. Tashmë ngërçi është vetëm për çështjen e rrogave, pra se sa do të bien dakord palët për një zgjidhje me konsensus të marrëveshjes.
Mësohet se kontrata e Diagne kishte të drejtë rishikimi pas mbylljes së këtij sezoni ku shtatlarti bëri një performancë të mirë me fanellën kuqeblu.
