Ish-zyrtari i Kremlinit dhe zv. Presidenti i Gazmprombank është gjetur i vdekur nga vajza e tij 26 vjeçe në apartamentin e tij luksoz në Moskë.
Krahas trupit të multimilionerit Vladislav Avayev, 51 vjeç, ishte gruaja e tij shtatzënë Yelena, 47 vjeçe dhe vajza më e vogël Maria, 13 vjeçe.
Trupat, të gjithë me plagë nga armë zjarri, u gjetën nga vajza e rritur e çiftit, Anastasia, kur ajo hapi me force derën, pasi nuk arriti të komunikonte familjen e saj.
Policia thotë se ka nisur një hetim dhe po merr të gjitha dëshmitë e nevojshme. Vajza e tij, Anastasia mësohet t’u ketë thënë oficerëve se arma kishte qenë në dorën e babait të saj në momentin që ajo i gjeti të pajetë.
Avayev ka punuar më parë si një ekzekutiv i lartë në Gazprombank, një pjesë kyçe e skemës së Vladimir Putin-it të gazit për rubla për të kundërpërgjigjur sanksionet perëndimore, në të cilat Putini kërkoi nga kompanitë e huaja të hapnin një llogari me bankën.
Më parë ai kishte qenë nënkryetar i një departamenti të madh në administratën e Kremlinit të Putinit. Ai ishte i pasur nga kompania e tij e ndërtimit.
Dyshohet se ai e ka kryer vetë krimin, pasi kishte pasur dyshime se e shoqja ishte shtatzëne nga shoferi i tij. Megjithatë, raportet janë të paqarta nëse gruaja e vdekur ishte shtatzënë.
Pista të tjera sugjerojnë se ish-bankieri i pasur kishte zbuluar se gruaja e tij kishte një lidhje dhe shoferi kishte dhënë dorëheqjen. Një fqinje e çiftit mësohet të ketë thënë: “Ndoshta ishte për shkak të sanksioneve, të gjithë janë në depresion, disa janë të gatshëm të shkojnë në masa ekstreme”.
