Dy persona janë arrestuar nga policia e Lushnjes për tentativë vjedhje.
Xhavit Muça dhe Erlind Tuci, sipas bluve, u kapën në flagrancë në tentativë për të vjedhur në një banesë.
“Specialistët për Hetimin e Krimeve në Komisariatin e Policisë Lushnjë, arrestuan në flagrancë shtetasit Xh.M. dhe E.T., banues në Tiranë, për veprën penale ‘Vjedhja’ e kryer në bashkëpunim, e mbetur në tentativë. Arrestimi i këtyre shtetasve u bë pasi në lagjen ‘18 Tetori’, janë kapur në flagrancë në tentativë për të vjedhur në banesën e shtetasit Sh.Ç.”, njoftoi policia.
Në cilësinë e provës materiale u sekuestruan dy çanta me vegla të ndryshme që autorët përdornin për të hapur me thyerje derën e banesës.
