Enkelejd Alibeaj ka folur lidhur me platformën e propozuar prej tij, që sipas deputetit shërben për bashkimin e PD.
Sipas Alibeajt, një pjesë e deputetëve demokratë e kanë mbështetur këtë platformë duke arritur në përfundimin se deputetët e përjashtuar në janar duhet të rikthehen, të hiqej dorë nga gjuha e urrejtjes si edhe të ndërpritej çdo veprim i njëanshëm për riaorganzimin e partisë.
Gjatë një prononcimi për mediat, Enkelejd Aliebaj ka lexuar emrat e deputetëve që sipas tij, kanë mbështetur platformën.
“Veprimet e secilit prej nesh do i gjykojë koha dhe demokratët, që në fillim kam bërë thirrje për bashkim dhe kamë mbajtur akte konkrete për bashkimi, bashkimin e pjesëve të grupit parlamentar dhe kam kërkuar dakordësinë e kolegëve të grupit që në mbledhje të ftoja edhe kolegët e pezulluar dhe përjashtuar më 12 janar. Kam ftuar në mbledhjet e grupit të gjithë kolegët e përjashtuar dhe tashme është fakt se çdo mbledhje është bërë me prezencën e tyre. Në çdo proces dhe strukturë është e domodoshme të ruhet kontributi i kujdo në PD. Proceset e njëanshme ku janë përjashtuar me mijëra demokratë nuk i shërbejnë PD dhe as interesit të demokrateve. Deputetët që e mbështesin janë Agron Gjekmarkaj, Alfred Rushaj, Arbër Agalliu, Andia Ulliri, Dhurata Cupi, Emilia Koliqi, Enkelejd Alibeaj, Gazmend Bardhi, Flutura Acka, Jorida tabaku, Kreshnik Collaku, Lefter Gështenja, Oriola Pampuri etj”, tha Alibeaj.
Nga ana tjetër, ish-kryeministri Sali Berisha deklaroi të Premten se Enkelejd Alibeaj është fasadë e Edi Ramës, duke moskonsideruar propozimet e tij.
