Ish-kryeministri i Shqipërisë Sali Berisha ka pritur sot në një takim ish-deputetin nga Kosova, Gani Geci.
Njoftimin për këtë takim e ka dhënë Geci, përmes një postimi në rrjetet sociale.
Geci shprehet se takimi ishte shumë miqësor, ndërsa tha se Berisha është lideri historik i së djathtës shqiptare.
Postimi i Gani Gecit:
Të dashur miq,
sot së bashku me Sabi Kaçanollin ishim në një takim shumë miqësor me liderin historik të së djathtës në Shqipëri, ish presidentin, ish kryeministrin e Republikës së Shqipërisë z.Sali Berisha.
Biseduam për Kosovën, për Shqipërinë për politikën ruso-serbe në Ballkan, për njerëzit e politikës në Kosovë të cilët tentuan ta ndajnë Republikën e Kosovës, biseduam edhe për sfidat e PD-së në Shqipëri edhe për LDK-në në Kosovë gjithashtu dhe për shumë çështje me prioritet në përgjithësi.
E përgëzova doktorin, për shëndetin dhe energjinë e pa shterrshme që e ka dhunti nga Zoti dhe ne fund e falënderova për pritjen!
