Një aksident i rëndë ka ndodhur brenda portit të Durrësit, ku është aksidentuar një punonjës.
Punonjësi raportohet se është tërhequr zvarrë nga një vinç i rëndë i shkarkimit të kontenierëve.
Ai është nisur në gjendje të rëndë për në spitalin e Durrësit, por ka humbur jetën në urgjencë.
“Rreth orës 14:30, në sheshin e kontenierëve në Portin e Durrësit, është aksidentuar në punë shtetasi R.G., 19 vjeç, punëtor ngarkim-shkarkimi, i cili për pasojë ka ndërruar jetë në spital. Grupi hetimor ndodhet në vendngjarje dhe po punon për sqarimin e rrethanave”, njoftoi policia.
