Të tjera debate janë zbardhur nga mbledhja e Partisë Demokratike që u zhvillua ditën e sotme.
Përveç debatit mes ish-kryeministrit Sali Berisha dhe Enkelejd Alibeaj, ka pasur dhe deputetë të tjerë të cilët kanë shprehur mendimet dhe pakënaqësitë e tyre.
Deputeti i PD, Ferdinand Xhaferaj ka thënë se për PD, Yuri Kim është një ambasadore e nderuar dhe jo “guvernatore”, siç e ka quajtur Berisha.
“Për grupin e PD, Yuri Kim është ambasadore e nderuar e SHBA-ve dhe jo guvernatore! Si Berisha, si Alibeaj nuk po bëjnë përpjekje për bashkim, s’po bëni bashkim por rrënim!”, mësohet të ketë thënë Xhaferaj.
Në një deklaratë Berisha u shpreh se Yuri Kim e respekton si ambasadore, por nuk pranon kur ajo merr rolin e guvernatores.
