Zbardhen të tjera detaje nga krimi në Fier ku një 61-vjeçar vrau me thikë bashkëjetuesen e djalit dhe më pas vari veten. Mësohet se Xhevahir Hoxha ka qenë i pajisur me urdhër mbrojtje nga i biri.
Sipas burimeve më datë 16.01.2022 është plotësuar kërkesë-padia në polici për urdhër mbrojtje të 61-vjeçarit nga djali dhe fillimisht Gjykata e ka pranuar për dhunë psikologjike.
Në seancën e radhës, datë 28.03.2022, e ka hequr urdhrin e mbrojtjes. Në polici nuk ka asnjë ankesë nga djali apo nga nusja për vjehrrin.
Djali ka qenë i martuar më parë dhe ka një djalë 9-vjeçar. Ndërkohë, ai kishte rreth 3 vjet që bashkëjetonte me viktimën dhe jetonin në Vlorë me qira, por vetëm 1 muaj më parë ishin kthyer që të jetonin në fshat te prindërit e tij.
Xhavair Hoxha nuk e donte 30-vjeçaren pasi ajo ishte e martuar më parë me dikë tjetër dhe kishin 3 fëmijë, ndërsa donte që djali të mbante për nuse gruan e parë me të cilën ka 1 fëmijë.
