Neritan Sejamini, ka folur për nismat e qeverisë, për legalizimin e kanabisit mjekësor dhe amnistinë fiskale.
I ftuar në emisionin “Të Paekspozuarit” në MCN TV, Sejamini tha se këto në vetëvete nuk kanë logjikë ekonomike, sepse nuk sjellin të ardhura, nëse nuk janë skema për të legalizuar krimin.
“Nëse flasim për kanabisin mjekësor, që të jetë politikë ekonomike, ska logjikë. Nëse përdorim disa emigrant që do të sjellin disa lek, as kjo nuk funksion. Nëse këto dy politika përdoren për të fshehur legalizimin e krimit, kjo po gjeneron para.
E kanabizuam Shqipërinë dhe u bëmë vend kryesor prodhimi, kur nuk kishte liçensa. Siç e tha kryeministri vitin tjetër do të shohim mundësinë për ta legalizuar kanabisin edhe për përdorimin vetjak. Çdo lloj mase që marrim, duhet kuptuar nga aftësia e Shqipërisë, për të zbatuar ligjin.
Amnistia ka problem shumë të madh. E vetmja mundësi është që paratë të vijnë fizikisht në Shqipëri”, tha Sejamini.
