Një 41-vjeçare është arrestuar nga policia e Gjirokastrës pasi është kapur duke transportuar refugjatë me makinë.
“Specialistët e Seksionit për Hetimin e Trafiqeve të Paligjshme në DVP Gjirokastër, në bashkëpunim me Policinë Rrugore, në bazë të informacioneve policore, kanë finalizuar me sukses operacionin policor ‘ROAD GUARD 12’, si rezultat i të cilit u bë arrestimi në flagrancë i shtetases E.Sh., 41 vjeçe, banues në Sarandë”, njoftoi policia.
“Në aksin nacional Tepelenë – Krahës, në vendin e quajtur ‘Majkosh’, shtetasja E. Sh. u kap në flagrancë nga shërbimet e Policisë, duke transportuar me automjetin e saj tip ‘Honda’, nga Saranda për në Tiranë, 5 emigrantë të paligjshëm nga vendet MENA, kundrejt fitimit”, shtuan të njëjtat burime.
Në cilësinë e provës materiale u sekuestrua automjeti.
