Rritja e çmimeve në vend ka ngjallur debate në studion e “Debatit” në A2 CNN mes sekretarit digjital të PS-së Etjen Xhafaj dhe analistit Ilir Kalemaj. Sipas këtij të fundit menaxhimi i qeverisjes emergjente është sipas metodave autoritare, pa zgjidhje afatgjatë.
“Kjo qeverisje emergjence, për armiku i padukshëm zbritëm tankun në rrugë, kemi tërmetin dhe kemi situatën me çmimet, që nuk janë rritur në Ukrainë por në Shqipëri. Ne kthehemi te metodat statiste që ngremë komitet dhe janë forma që operojnë në Venzuelë që janë qeverisje autoritariste dhe nuk i japin zgjidhje afatgjatë as krizës së borxheve. Ka stanjacion. Kemi rritje të deficitit buxhetor. Kemi inflacionin 5-6% sipas BSH. Që kemi krizë e di populli që po del në shesh. Është protesta më e madhe e shoqërisë në këto 30 vjet”.
Këto deklarata të Kalemajt hasën në kundërshtitë e Etjen Xhafajt, sipas të cilit krizat ekzistojnë dhe rritja e çmimeve po ashtu.
“Të thuash që jemi gjithmonë në krizë është të mohosh realitetin. Ne jemi në krizë. Të gjitha vendet e rajonit kanë rritje çmimesh galoponte që vijnë nga lufta. Nuk jemi vend i mbyllur. Kina është mbyllur edhe tani. Ne kemi qeverisur në periudhë krizash se kanë ndodhur kriza. Dhe unë mendoj që është bërë punë ë shkëlqyer. Kaq mundësi kemi. Ju flisni për borxhin sikur ne ekzistojmë në një flluskë dhe kjo është e papranueshme”.
