Komisioni Qëndror i Zgjedhjeve, ka gjobitur disa dhjetra parti politike për mos deklarimin e pasqyrimit financiar të aktivitetit politik.
Në njoftimin e publikuar nga KQZ, u është bërë thirrje ndaj 94 prej tyre që të paraqesin dokumentacionin e pasqyrimit financiar brenda një afati 20 ditor, ndërsa në të kundërt do të merreshin masa të mëtejshme ndaj tyre.
Posta Shqiptare nënvizon faktin se faktori kryesor që kishte ndikuar në mosdorëzimin e dokumenteve, është sepse shumica prej adresave të ketyre partive politike nuk janë të sakta.
Njoftimi i KQZ:
Komisioni Qendror i Zgjedhjeve i bën thirrje publike 94 subjekteve politike që të bëjnë ekzekutimin vullnetar të sanksionit administrativ të vendosur nga Komisioneri Shtetëror i Zgjedhjeve me vendimin nr. 430, datë 22.07.2021, për mosdorëzimin apo dorëzimin jashtë afateve e raporteve vjetore financiare për vitin 2020.
KQZ ka ezauruar mënyrën zyrtare të njoftimit të tyre në adresat e deklaruara nga ana e tyre në Gjykatën Rrethit Gjyqësor, Tiranë.
Institucioni i Postës Shqiptare ka konfirmuar mosmarrjen e këtij njoftimi nga këto parti politike, për shkak të mangësive të adresave të deklaruara nga partitë.
Bazuar në nenin 162, të ligjit nr. 44/2015 “Kodi i Procedurave Administrative”, për njoftimet publike, nga sot, 94 partitë politike kanë 20 ditë afat për të ekzekutuar vullnetarisht detyrimin e tyre.
Shkresa me emrat e 94 partive politike që i’u është drejtuar shkresa nga KQZ.
Mund të siguroni dokumentin duke klikuar: KETU
