Deputeti demokrat Edi Paloka ka ironizuar deklarimet e Kryeministrit Edi Rama, i cili duke publikuar të dhënat e mbledhura nga ajo që e quajti “Këshillimi Kombëtar” cilësoi si mbështetje të popullit, legalizimin e kanabisit mjekësor, por edhe ndaj “Open Balkan”.
Në postimin e tij, Paloka shkruan se nga sot e tutje, çdo të zezë që Edi Rama do i bëjë popullit do e bëjë në “emër të popullit”, frazë kjo që përdorej në kohën e diktaturës kur jepeshin vendimet me burg apo pushkatimet.
“Këshillimi Kombëtar” i Ramës, si pushkatimet e dikurshme “në emër të popullit”.
Nga sot e tutje, edhe Rama, çdo të zezë që do ti bëjë këtij populli, do t’ja bëjë “në emër të popullit””, shkruan Paloka.
