Artistja e famshme Selena Gomez ka folur për shëndetin e saj mendor në një përpjekje për të ndihmuar edhe të tjerët.
Aktorja dhe këngëtarja, në një intervistë për “Good Morning America”, ndau informacionet rreth “Wondermind”, një faqe interneti që ajo po hap për të ndihmuar personat me probleme të ngjashme.
Aktorja e “The Only Murders In The Building” pohoi se nuk ka qenë në internet për më shumë se katër vjet, megjithëse tani po përdor mediat sociale për të kontaktuar me këdo që lufton me betejat e tyre.
“Unë nuk kam qenë në internet për katë vjet e gjysmë. Kjo ka ndryshuar plotësisht jetën tim. Jam më e lumtur, jam më e pranishme. Unë lidhem më shumë me njerëzit. Më bën të ndihem normal”, është shprehur Gomez.
Ajo zbuloi se ishte diagnostikuar me çrregullim bipolar në vitin 2020 dhe shpjegoi se të kuptuarit e shëndetit të saj mendor është ‘gjëja më e rëndësishme në botë’ për të.
Faqja e internetit “Wondermind” ofron përmbajtje falas që mbështetet nga ekspertët e shëndetit mendor, dhe këngëtarja e “Good for You” thotë se është diçka që ajo do ta kishte përdorur po të ishte e disponueshme.
“Ato ditë ku nuk dua të ngrihem nga shtrati, nëse do të kisha diçka si Wondermind, edhe nëse m’u desh një minutë për t’u futur në të, është thjesht aty. Dhe ka diçka që është vërtet ngushëlluese për këtë”, u shpreh Selena.
Ajo thotë se shpreson ta përdorë për mirë rolin e saj si ndikuese që ka në shoqëri.
“Nëse jam e njohur për ndonjë gjë, shpresoj të jetë thjesht për mënyrën se si kujdesem për njerëzit”, tha Gomez.
