Eksperti i ekonomisë, Zef Preçi, foli edhe për aferën e inceneratorëve, teksa ishte i ftuar në emisionin “5 Pyetjet nga Babaramo”.
Ai u shpreh se Përpjekja e qeverisë për të mbajtur vëmendjen vetëm tek individët tregon se çështja është e madhe.
“Nëse një individ, qoftë ministri më i fuqishëm, nxjerr 17 vendime qeverie në një kohë aq të shkurtër, do ta kishte zili edhe Kim Jong un që i kontrollon të gjitha pushtetet”, tha ai.
“Nëse SPAK do të mbetet te shpërdorimi i detyrës, do t’i duhet një rrugë e gjatë për të gjetur edhe 400 e ca milionë të tjera.
Përgjegjësia fillon me dorëheqje të personave të akuzuar dhe me rritje të përgjegjshmërisë së institucioneve.
Dëmi më i madh vjen kur qeveria vihet në shërbim të këtyre interesave okulte”, shtoi ai.
