Aktori Will Smith po humbet mundësitë e karrierës pas skandalit në Oscars. Projektet e ardhshme të yllit të “King Richard” janë lënë në pritje si rezultat i pasojave që Smith po merr vazhdimisht pasi goditi Chris Rock në skenë.
Hollywood Reporter tha se të dy Netflix dhe Sony kanë ndërprerë projektet e Will Smith pas incidentit.
“Netflix ishte në proces të gjetjes së një regjisori të ri për “Fast and Loose”, pasi David Leitch u tërhoq nga projekti përpara ndarjes së çmimeve të Akademisë”, tha THR. Smith do të luante një shef krimi me një problem memorie. “Sony po frenon gjithashtu “Bad Boys 4”, i cili ishte duke u përgatitur përpara shfaqjes së çmimeve”, shtoi media.
Will goditi Rock në fytyrë, pasi ky i fundit u tall me gjendjen shëndetësore të gruas së tij Jada Pinkett Smith.
Smith kërkoi falje për veprimet e tij.