Një 38-vjeçare është proceduar penalisht pasi akuzohet për braktisjen e fëmijëve të saj të mitur.
Policia ka nisur menjëherë hetimet pas kallëzimit të bashkëshortit të saj.
Shtetasja E.B., kishte siguruar kujdestarinë e fëmijëve me vendim gjykate.
Materialet i kaluan Prokurorisë për veprime të mëtejshme.
Njoftimi i plotë:
Po nga specialistët për Hetimin e Krimeve në Komisariatin e Policisë Tropojë u procedua penalisht në gjendje të lirë për veprën penale “Braktisja e fëmijëve të mitur”, shtetasja E. B., 38 vjeçe, banuese në Bajram Curri, pasi ka bërë kallëzim ish-bashkëshorti i saj shtetasi Sh. M., se kjo shtetase ka braktisur fëmijët e mitur, të cilët i kishte në kujdestari me vendim gjykate.
Materialet i kaluan Prokurorisë pranë Gjykatës së Rrethit Gjyqësor Tropojë, për veprime të mëtejshme.
