Dy mjekë dhe një infermier janë arrestuar mbrëmjen e djeshme nga policia pasi akuzohen se dy netë më parë kanë mjekuar Nuredin Dumanin në Fier. Në pranga u vunë mjekët Juljan Malaj, 43 vjeç e Bledar Bërdalla, 41 vjeç, si dhe infermieri Ermal Gjeçi, 36 vjeç.
Të pyetur nga policia e Elbasanit, mjeket që asistuan në mjekimin e të shumëkërkuarit kanë thënë se janë marrë në banesën ku fshihej Dumani nga një i njohur i përbashkët i këtij të fundit dhe nuk kanë pasur dijeni për të shkuarën kriminale të të arrestuarit. Për sa kohë, thanë ata, që kanë bërë betimin e Hipokratit, nuk mund t’i mohonin kujdesin shëndetësor personit në fjalë si “çdo qenie tjetër njerëzore”.
Mjekët, infermieri dhe e dashura e Nuredin Dumanit, 20-vjecarja nga Kosova që jetonte me të në banesën e marrë me qira në Fier, pritet të dalin të Premten para gjykatës Elbasan ku do t’u komunikohet masa e sigurisë.
Lexo edhe:
Arrestimi i Dumanit, në pranga edhe 5 persona të tjerë (Emrat)
