Një 66-vjeçar në Tiranë është denoncuar i zhdukur. Kallëzimin në polici e ka bërë bashkëshortja e tij, e cila ka deklaruar se nuk ka kontakte me të shoqin prej gati 1 muaj.
Burime zyrtare nga policia bëjnë me dije se një ditë më parë, “shtetasja F M. ka kallëzuar se më datë 3 Mars 2022, është larguar nga banesa dhe nuk është kthyer, bashkëshorti i saj, shtetasi Sh.M., 66 vjeç, i cili vuan nga probleme të shëndetit mendor”.
Po Punohet për gjetjen e tij, shtuan të njëjtat burime, ndërsa materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme procedurale.
