Vendi është përfshirë nga reshjet e shiut prej ditës së djeshme. Autoritetet portuale në Durrës kanë ndaluar nisjen e trageteve si dhe është pezulluar dalja në det edhe anijeve të tonazhit të ulët.
Sipas të dhënave, moti i keq me reshje shiu dhe erë të fortë ka shkaktuar probleme në portet e vendit.
Era e fortë dhe dallge deri në 7-8 ballë ka bërë që të pezullohet lundrimi edhe në portin e Vlorës që prej mbrëmjes së të mërkurës.
Sipas sinoptikanëve, pothuajse i gjithë vendi është përfshirë nga reshje shiu që pritet të zgjasin deri ditën e hënë.
“Edhe dita e shtunë pritet të ketë rrebeshe shiu në pjesë më të madhe të territore të vendit. Pritet që situata e paqëndrueshme të na shoqërojë gjatë gjithë këtyre ditëve. Pritet të qëndrojë deri të hënën.
Parashikohet që shira më të dendur do të ketë në veri dhe veriperëndimore me 100-170 mm shi. Rrebeshe shiu do te këtë edhe zona qendrore, jugu më pak”.
Zonat malore do të përfshihen nga reshjet e dëborës. Sipas sinoptikanëve problem do të jetë era në det të hapur deri në 100 km në orë.
