Pas debateve mes mazhorancës dhe opozitës, Kuvendi ka futur në rendin e ditës kandidaturën për anëtar të këshillit mbikëqyrës së BSH, të propozuar nga PD, Mateo Spaho.
Propozimi u bë nga Enkelejd Alibeaj, por fillimisht u kundërshtua nga kryetari i grupit parlamentar të PS, me arsyetimin se nuk është paraqitur në Komisionin e Ekonomisë dhe nuk mund te shkelet rregullorja. Por më pas, Balla u tërhoq dhe Kuvendi miratoi që të futet në rendin e ditës dhe të bëhet njoftimi që Mateo Spaho të paraqitet për të bërë prezantimin.
Replikat në Kuvend
Alibeaj: Janë futur dy projekt vendime për emërimin e dy anëtarëve në këshillin mbikëqyrës të BSH. Kërkoj të bëhet shtesë në rend që të futet sot dhe kërkesa që përmban për shqyrtimin e kandidatit Mateo Spaho që është kandidat.
Balla: Nuk e dija që deri dje në orën 16:00 të jetë depozituar një kandidaturë tjetër mbështetur me firma, kur është depozituar e a ka kaluar në komisionin e Ekonomisë?
I vetmi në këtë sallë që nuk e shkel dot rregulloren jam unë. Nëse se keni depozituar deri dje me gjithë dëshirën që ti japim opozitës hapësirë më thoni si t’ja bëj këtu se unë nuk lëviz dot nga rregullorja.
Felaj: Është bërë dje rreth orës 15:00 por s’është kaluar dot në komisionin përkatës.
Alibeaj: Është depozituar kërkesa me të gjitha ekstremitetet burokratike nënshkrimet ka kaluar në komisionin e Ekonomisë.
Balla: Për ta lehtësuar dhe në funksion të dialogut me opozitën, meqë është kapur me pak minuta ora 16:00, komisioni i ekonomisë është këtu. Gjatë procesit të njoftohet zoti Spaho të vijë dhe të përfshihet në rendin e ditës. Kjo zgjidhet duke komunikuar dhe duke mos mohuar atë që është. Nuk prish kurrë PS balanca me institucionet. Sikurse të gjithë e dini, edhe ndonjë institucion tjetër.
Alibeaj: Nuk kërkojmë të imponojmë asgjë. Thjesht për t’i shërbyer të pacenuar depolitizimit të Bankës së Shqipërisë. Ajo që po i thërrasim është së ardhmes. Po i referohemi së shkuarës për përfaqësimin opozitar. Përsa ju thatë në Komisionin e Ekonomisë, e ka ngritur sekretari ynë. Nuk ka hasur pengesë. Se kështu ka ndodhur, e ka ngritur që në komision të ketë një seancë dëgjimore të plotë dhe kandidaturën e përfaqësuar nga ana jonë. Është i rëndësishëm procesi dhe pastaj produkti. Komisioni i Ekonomisë të operojë, të mblidhet, alternativë tjetër është që kjo çështje të diskutohet nesër, pasnesër, dhe më pas duke u thirrur se shkuarës, të procedohet me votimin. Nuk po kërkojmë gjë më tepër, ruajtjen e traditës së këtij parlamenti.
