Grupi parlamantar i Partisë Demokratike do të mblidhet sërish sot, për të dytën herë brenda ditës. Mbledhja do të mbahet pas përfundimit të seancës plenare.
Mbledhja e parë u mbajt rreth orës 9 të mëngjesit të ditës së sotme, që u shoqërua me debate mes ish-kryeministrit Sali Berisha dhe Enkelejd Alibeajt. Ky i fundit tha gjatë mbledhjes se Berisha ishte i paftuar.
Ajo që ra në sy në këtë mbledhje është mungesa e 10 deputetëve, përfshirë edhe emra të njohur si Grida Duma apo Alfred Rushaj e Agron Gjekmarkaj, të cilët deri pak kohë më parë kanë mbajtur një qëndrim jo përjashtues ndaj Berishës, edhe pse kanë deklaruar se rikandidimi i tij si kryetar nuk duhet të ndodhë.
Po ashtu, në mbledhje mungon kryetari i dorëhequr Lulzim Basha, si dhe deputetët Flutura Açka, Kreshnik Çollaku dhe Oriola Pampuri, të cilët kanë dalë hapur në mbështetje të Bashës me qëndrimet e tyre në mbledhjet e mëparshme.
