Gjendja e Nuredin Dumanit duket të jetë delikate, duke qenë se i arrestuari është gjetur i plagosur rëndë.
Një plumb i ka mbetur në shtyllën kurrizore, i cili sipas bluzave të bardha të Fierit është shumë i vështirë të hiqet.
Ka pasur edhe një tjeter goditje, por që e ka kapur shkarazi duke i gërvishtur vetëm pjesën e lëkurës.
Dumani ka qenë shumë i qetë dhe nuk ka thënë asnjë fjalë, madje nuk është ankuar as nga dhimbjet që mund t’i shkaktonte ndërhyrja në plagë. Mjekët kanë vendosur të dergohet për një ndërhyrje neurokirurgjikale të specializuar në Tiranë.
Nuredin Dumani ka mbërritur në spitalin e Traumës në Tiranë ku do t’i nënshtrohet një ndërhyrje kirurgjikale për të hequr plumbin që ka marrë në shtyllën kurrizore gjatë përplasjes me armë në atentatin e organizuar ndaj Talo Çelës në Elbasan.
