Ndonjëherë grumbullimet me kombëtaret kanë edhe kosto për skuadrat, sidomos për ato të Superiores.
Portieri i Kukësit, Angelo Tafas nuk ka qenë me fat në grumbullimin e fundit me Shpresat pasi ka pësuar një dëmtim të rëndë.
Siç mësohet, portieri i ri i verilindorëve ka pësuar një dëmtim të rëndë duke këputur meniskun lateral dhe gjithashtu ka dëmtuar meniskun medial.
Sipas njoftimit nga Kukësi, portieri Tafas do të mungojë për disa javë me ekipin dhe do të ndiqet nga mjekët më të specializuar nga Bologna në mënyrë që të rikuperohet sa më shpejtë të jetë e mundur.
Te Kukësi shpresojnë por dëmtime të tilla të rënda nuk behet fjalé për rikuperime javore por me muaj ndaj dhe frika është se Tafas nuk mund të luajë më këtë sezon.
Ndërkohë te Kukësi e gjithë skuadra ka postuar një foto me fanellën e portierit i cili po kalon një moment tê vështirë teksa edhe kapiteni Taipi ka veshur fanellën e portierit duke u solidarizuar me gardianin e portës.
