Anëtarja e Komisionit të Rithemelimit Ledina Mandia e ftuar në studion e ‘Fax News’ tha se dorëheqja e Bashës erdhi sepse shumica e kishte vendosur që në 11 dhjetor dhe se vullnetin e saj nuk e ndalon asgjë.
Lidhur me takimet që Basha po zhvillon me demokratë, Mandia u shpreh se është e drejta e tij sepse është anëtar i partise dhe nëse është i aftë mund të kandidojë sërish.
Ajo theksoi ndër të tjera se e gjithë vëmendja është te baza dhe se zgjedhja e lidershipit të ri të PD-së do kryhet vetëm përmes ligjit dhe ndryshimeve statutore.
Mandia: Vullnetin e shumicës nk e ndalon asgjë. Ishte e pritshme, u mor vendimi në 11 dhjetor dhe në 18 dhe u tregua se cila ishte shumica e vërtetë për demokratët dhe u finalizua me vendimin e Gjykatës. PD është parti demokratike, nuk është e mureve të hekurta, është e hapur për të gjithë dhe patjetër Basha është anëtar dhe deputet në Kuvend dhe mund të takojë elektoratin sa herë të dojë.
Ai u shkarkua si kryetar por jo si anëtar i PD-së. Për shkak të zgjedhjeve të pjesshme u angazhuam, dhe zgjedhjen e organeve nga baza në qendër.
Ne asnjëherë nuk kemi parë ndasira, është e të gjithë njerëzve që duan të rrëzojnë qeverinë e korruptuar të Ramës dhe nuk besoj se në të ardhmen do te ketë dyshime për bashkimin e demokratëve.
Janë të qartë demokratët se cila është opozita dhe lidershipi i saj. Ne në zgjedhjet e 6 marsit ftuam dhe njerëz përkrahës të Bashës që të kandidonin por nuk iu përgjigjën thirrjes tonë. Demokratët e kanë kuptuar që nje kryetar që humb nuk mund të jetë më lider, mund të jetë vetëm anëtar i partisë.
Edhe në të ardhmen do jemi në përzgjedhjen e kandidatëve që na çojnë drejt sukseseve. Basha ka të drejtën e tij të takohet me elektoratin, ne mendjen e kemi te baza.
Le ta krijojë një foltore të dytë, të garojë e të fitojë zgjedhjet nëse është i aftë, pavarësisht humbjeve që ka pasur. Në çdo rast do respektohen ndryshimet statusore dhe secili individ që përmbush kriteret garon.
