Vendi i parë dhe 59 pikë në Superiore tregojnë që Tirana e këtij sezoni është ekipi për t’u mundur. Skuadra e drejtuar nga trajneri Orges Shehi ka zhvilluar një edicion të mrekullueshëm. 13 pikë larg vendit të dytë, janë shifra që i japin komoditet bardhebluve të cilët janë në rrugën e duhur drejt titullit kampion.
Teksa kanë mbetur dhe 10 javë nga fundi i këtij sezoni futbollistik, 25-herë kampionët e vendit kanë nisur të hedhin sytë nga zona Champions. Nga 32 skuadra që mund të jenë kundërshtarë të mundshëm për Tiranën, deri më tani janë zbuluar vetëm 11.
Bodo, Malmo, Tobol, Shaktjor Soligorsk, Zagiris, Shamrok Rovers, Riga, Dinamo Batumi, Helsinki, Kl Klaksvik dhe Neë Saints i Uellsit janë disa nga ekipet kundërshtare që mund të shortohen me Tiranën në turin e parë kualifikues të Champions League.
