Situatë alarmante te Italia, pas eliminimit nga Maqedonia e Veriut, në gjysmëfinalen e “Play-Off”-it të Botërorit. Ka shkuar në 7 numri i futbollistëve që kanë braktisur kombëtaren e kaltër në prag të sfidës miqësore që italianët do të zhvillojnë ditën e martë ndaj Turqisë në Konia.
Pas Veratit, Insinjes, Imobiles, Berardit, Mançini dhe Zhorzhinjos, së fundmi është konfirmuar dhe mungesa e mbrojtësit Luiz Felipe, që ka lënë grumbullimin për shkak dëmtimi.
Aventura nuk ka shkuar aspak mirë për futbollistin e Lacios, me origjinë braziliane, i cili e kishte grumbullimin e parë me Italinë.
https://twitter.com/Azzurri/status/1508124315274952707
