Këshilli i Lartë i Prokurorisë pritet të zgjedhë të Hënën kryetarin e ri, pas përfundimit të mandatit të Gent Ibrahimit.
Në një njoftim zyrtar të KLP-së, bëhet e ditur se mbledhja e radhës do të zhvillohet më 28 mars, ora 11:00, në prezencë të anëtarëve të Këshillit të Lartë të Prokurorisë, si dhe të përfaqësuesve nga Ministria e Drejtësisë, Prokurori i Përgjithshëm dhe Programi OPDAT.
Ndër pesë pikat e rendit të ditës është edhe zgjedhja e Kryetarit të ri të Këshillit të Lartë të Prokurorisë.
Raportohet se kandidati i vetëm në garë është zëvendëskryetari aktual i KLP-së Alfred Balla.
“Mësohet se kandidati i vetëm në këtë garë është Alfred Balla, i cili aktualisht ushtron detyrën e Zëvendëskryetarit”, raporton media shtetërore “ATSH”.
