Tre ndër kombëtaret më prestigjioze në Europë, Anglia, Gjermania dhe Holanda kanë fituar ndeshjet e tyre miqësore. Një test i mirë për ta duke parë dhe kundërshtarët që kishin përballë.
Anglia fitoi me rezultatin 2-1 ndaj Zvicrës së shqiptarëve. Miqtë shënuar me Embolonë, pas asistit spektakolar të Shaqirit. Megjithatë “Tre luanët” arritën të kthenin gjithçka përmbysë me golat e Luk Shou dhe kapitenit Herri Kejn.
Gjermania nuk hasi vështirësi përballë Izraelit që e mundi me rezultatin 2-0. Golat u shënuan që në pjesën e parë me dy lojtarët e Çelsit, Kai Havertz dhe Timo Verner.
Spektakolare isthe sfida mes Hollandës dhe Danimarkës. “Tulipanët” triumfuan me rezultatin 4-2 në një ndeshje me shumë emocione. Holanda shënoi tre gola në pjesën e parë me Bergvajn, Aken dhe Depain me penallti. Danezët qëndruan në lojë me golin e Vestergard.
Në pjesën e dytë ndodhi e papritura, ku protagonist ishte Kristian Eriksen. Mesfushori u kthye në kombëtare dhe pas 2 minutash në fushën e lojës shënoi golin e dytë për Danimarkën.
Megjithatë për të mbyllur llogaritë mendoi përsëri Bergvajn që shënoi golin e katërt.
