Ylli botëror Maluma ndodhet prej disa kohësh në Europë ku po zhvillon turin e tij muzikor. Në çdo koncert ai ka arritur t’iu dhurojë fansave performanca, surpriza dhe kërcime provokuese të cilat kanë marrë vëmendjen e të gjithëve.
Kujtojmë se mbrëmjen e 14 marsit Maluma dhuroi një super performancë në Tiranë.
Këngëtari është prej një viti në lidhje me arkitekten bukuroshe. Maluma ka preferuar ta mbajë shumë private lidhjen e tij duke qëndruar larg mediave dhe postimeve në rrjete sociale.
Në disa foto të kapura nga gazetarët shihet teksa çifti shëtit në kryeqytetin e Greqisë, të kapur përdore.
E dashura e Malumës quhet Susana Gómez e cila nuk është personazh publik. Susana dhe Maluma i përkasin të njëjtit vend nga Medellin të Kolumbisë. Ata janë fotografuar për herë të parë në fund të vitit 2020.
Maluma e ka prezantuar të dashurën me familjen e tij duke treguar se gjërat janë serioze, por deri më tani nuk ka asnjë deklaratë nga të dyja palët.
Sipas informacioneve Gómez vjen nga një martesë e dështuar e cila përfundoi shumë shpejt.
