Ish-kryeministri Sali Berisha mban të bllokuar foltoren e Kuvendit, edhe pse drejtuesja e seancës Ermonela Felaj nuk i ka dhënë të drejtën e fjalës për replikën me Damian Gjiknurin.
Sipas Felajt, Gjiknuri nuk ngriti akuza dhe fyerje ndaj Berishës, edhe pse deputeti socialist në fakt e quajti ish-kryeministrin një kufomë.
Pa mikrofon, Berisha replikoi me Gjiknurin duke thënë se arritja më e madhe e qeverisë së drejtuar prej tij ka qenë projekti TAP, ndërkohë që arritjet e qeverisë Rama janë vjedhjet.
Berisha paralajmëroi marrjen e një megafoni, në mënyrë që të mos i mohohej e drejta e fjalës në Kuvend.
