Ish-deputeti Lefter Maliqi shprehet se rikthimi i Metës në bazë, është një faktor kyç për fitoren e opozitës. Sipas tij, dyshja Meta-Berisha rikthen fitoren e padiskutueshme të opozitës, më fuqishëm se 2009-2013.
“Bashkimi i tij me popullin e “2 Marsit”, me opozitën, socialistët e zhgenjyer, shoqerinë civile, kthen shpresën dhe besimin tek shqiptarët për një qeverisje demokratike dhe të ardhme të sigurt drejt BE-së”, shkruan Maliqi në një reagim në FB, ku poston dhe një fotografi ku shfaqet me Presidentin Ilir Meta.
“Gjithë-dimensionaliteti i Metës, pozitiviteti i tij dhe energjia e pashterëshme e Doktorit dhe pjekuria e tyre së bashku, faktor kyç për fitore. Dyshja Meta-Berisha rikthen fitoren e padiskutueshme të opozitës, më fuqishëm se 2009-2013, me rreth 10 mandate me shumë. Bashkimi i gjithë frontit opozitar, nën drejtimin e dyshes së shpresës, besimit do t’i çel dritën jeshile zhvillimit, mirëqënies, sigurisë, demokracisë, pluralizmit politik, drejtësisë, kushtetutshmërisë, balancimit të pushteteve; do ndaloj shpopullimin dhe do rikthej rininë duke çuar vendin të sigurt në BE”, shton ai.
“Fryma, shpresa, besimi dhe optimizmi po lind! Puna e palodhur në bazë do na çoj në Fitore”, përfundon Maliqi.
