‘Trekëndëshi’ Bora-Donald-Beatrix ka qenë më i komentuari prej disa muajsh kudo në rrjet. ndjekësit aludojnë për çdo postim të tijin dhe janë ndarë në dy grupe, grupi Beatrix dhe grupi Bora.
Teksa fansat pretendojnë rikthimin e tij me Borën ose Beatrix, dikush pretendon se ai është rikthyer me ish-të fejuarën, që është e panjohur për publikun.
Së fundmi, blogeri Olti Curri ka marrë një mesazh nga dikush i cili i shkruan se Donaldi është rikthyer te ish e fejuara e tij në Milano.
“Olt, mos të lodhen fansat. Donald Veshaj ndodhet tek ish e fejuara që kanë mbetur “shumë miq” në Milano”, shkruan ndjekësi.
Donaldi ka treguar në rrjete sociale se pas daljes nga “Big Brother VIP” ka udhëtuar drejt Maqedonisë së Veriut, Zvicrës dhe Kosovës, por asnjëherë drejt Italisë.
Vërtetësia e këtij mesazhi nuk dihet, por ai riktheu edhe një herë në vëmendje historinë e vjetër të aktorit.
Para se të bëhej i famshëm, Donaldi ka qenë i fejuar me një vajzë për katër vite dhe janë ndarë pak kohë para se ai të lidhej me Bora Zemanin. Ish-e fejuara e tij quhet Sara dhe nuk është personazh publik. Sara jeton në Milano dhe është Interior dhe Graphic Dizanjere.
Në “Big Brother VIP”, Donaldi ka treguar në një bisedë me Beniadën se ka qenë shpesh në Milano sepse atje jetonte ish e dashura e tij. Por, nuk ka deklaruar asnjëherë se ka qenë i fejuar.
