Ministrja e Energjitikës, Belinda Balluku, njoftoi se në bashkëpunim me ARRSH do të nisin ndërprerje e ndriçimit në akset kombëtare: Kjo masë, sipas Ballukut, bëhet për të kursyer energji.
“I kemi kërkuar ARRSH që të nisë menjëherë nga puna për të bërë ndrëprerjet e ndriçimit në akset kombëtare.
Do të ketë ndërprerje edhe në akset kombëtare në degëzim. Nuk do të prekim disa pjesë të akseve që cënojnë sigurinë rrugore. Kërkojmë mirëkuptimin tuaj për këtë”, tha Balluku.
Shqipëria po përballet me një krizë, jo vetëm të rritjes së çmimeve, por edhe energjitike, pasi kuotat në liqenin e Fierzës ndodhen në nivelin e 261 metrave, vetëm 21 metra mbi atë që konsiderohet si “pika e vdekjes”.
Duket se e gjithë kjo situatë ka ardhur si pasojë e një keqmenaxhimi të kaskadës së drinit, pasi është punuar me kapacitet maksimal në muajt e dimrit, nisur nga idea se në pranverë do të kishte një ulje të çmimit të energjisë në bursa, por zhvillimet në tregjet ndërkombëtare, të ndikuara edhe nga lufta në Ukrainë, kanë nxjerrë zbuluar skenarin e Qeverisë.
