Ish-ministri i Drejtësisë, Ylli Manjani, përmes një postimi në rrjetet sociale, ka ironizuar reagimet dhe qëndrimet, që protestat e sotme qytetare i konsiderojnë si bllokime rrugësh.
Manjani shkruan se kur Edi Rama organizonte protesta kundër NATO-s dhe bllokonte rrugët nga Vora në Tiranë, quhej demokraci, ndërsa tani që qytetarët protestojnë kundër rritjes së çmimeve quhen bllokime rrugësh.
“Kur proteston Rama është demokraci. Kur protestojnë njerëzit (demos) quhet bllokim rruge.
Në të dyja rastet fajin e ka Saliu.
Posi, Saliu që nuk ishte as autor e as pjesmarrës në asnjërën protestë…”, shkruan Manjani.
Postimi nga Ylli Manjani
Kur Edi Rama zinte bulevardin me ditë të tëra në grevë urie gjasme për numërimin e votave por në fakt kundër liberalizimit të vizave;
Kur bllokonte autostradën me marshime populiste nga Vora në Tiranë, gjasme për Gërdecin po në fakt kundër anëtarësimit në NATO;
Nuk quhej bllokim rruge por demokraci.
Ndërsa sot kur protestohet kundër masave komuniste që vendosjes së çmimeve të larta në treg nga qeveria e Edi Ramës, quhet bllokim rruge!!!
Kur proteston Rama është demokraci. Kur protestojnë njerëzit (demos) quhet bllokim rruge.
Në të dyja rastet fajin e ka Saliu.
Posi, Saliu që nuk ishte as autor e as pjesmarrës në asnjërën protestë…
