Një shqiptar është arrestuar në Brindizi nga policia italiane pasi u kap me heroinë. Një kg heroinë, ai i kishte ndarë në dy pako dhe i kishte mbështjellë me plastikë të verdhë.
Ai u ndalua nga policia për një kontroll rutinë teksa udhëtonte me audin e tij. Pasagjere ishte dhe një grua.
Pas identifikimit, duke vënë në dukje gjendjen e pazakontë dhe stresin e drejtuesit të mjetit, policët kontrolluan makinën, duke gjetur drogën dhe duke e sekuestruar.
Shoferi, i cili u zbulua, mori përgjegjësinë e transportit të drogës, duke shfajësuar gruan që ishte me të nga çdo përgjegjësi.
